Heto na naman! Parang may tono na nagsasawa na. Sino ba naman ang hindi magsasawa e Septembre pa lang, feeling Pasko na dito? Nakakasawa na din lahat ng kapagurang kasabwat sa paghahanda para sa Pasko: ang pagde-decorate, pamimili ng regalo, paghahanda ng pagkain. Noong bata ako natutuwa ako kung Pasko. Kasi wala naman akong kailangang gawin kundi maghintay. E ngayon, ako ang magde-decorate, ako ang gagastos para sa mga regalo, at malamang ako ang maghahanda ng menu tapos ako rin magluluto ng ibang putahe. Nakakapagod! Tapos wala naman akong matatanggap na regalong magugustuhan ko talaga!
Ang nakakatawa ang daming nagdidiwang ng Pasko, pero konti lang naman ang nakakaintindi ng kahulugan ng Pasko. maski ako, nakalimot minsan.
Kung aalalahanin at uunawain lang kung bakit talaga may Pasko, sasaya ka na kahit walang palamuti, regalo o handaan. Syempre iba pa rin ang saya kapag nakita mo na nakangiti yung pinagbigyan mo ng regalo, o yung kumain at nagustuhan ang luto mo. Iba ang saya ng nakakapagpasaya. Nakakapagod pero masaya!
I
Heto na naman 'yong masayang panahon
Ubas at mansanas na kahon-kahon
Said na ang bulsa
Pagod pa ang paa
Kahahanap ng regalong mura't maganda
II
Heto na naman 'yong ganitong panahon
Kundi kalendaryo ay maalat na hamon
Wala na bang iba
Fruit cake na luma
Exchange gift na diary
Chocolate at sabon
Refrain:
Wala na ba kundi panandaliang saya
Wala na ba kundi ako, ikaw at siya
Nalilimutan natin kung bakit may Pasko
Isang nagmamahal na Diyos
Ang 'sinilang sa mundo
III
Heto na naman mga awit ng panahon
Si Santa Claus at Rudolf nagtipon-tipon
Wonderland ni Johnny, Puting Pasko ni Crosby
Ano na nga 'yong hit ni Michael Jackson
(Why don't you...)
Repeat II
Repeat refrain (2x)
Maligayang pasko (4x)
Sa inyo
